رسالة (
3)
عزيزي علقم..
أد إيه أنا مبسوط بالأخبار اللي وصلتني عن علاقة مريضك بأمه المريضه ... عايزك
تفتح عينك كويس
أولاً خليك فاهم ان الله هايشتغل على تغيير صفات مريضك للأفضل (فانت لازم
تشتغل أسرع)
ثانياً لازم تستغل الموقف ده أحسن استغلال – أنصحك بالاتصال بزميلك (غلبوص) المسئول
عن الألم وتنسق الشغل معاه وتعملوا شوية ازعاج ومضايقات لمريضك. وممكن تستخدموا واحدة
من الوسائل الآتية
1-
مريضك فاهم ان الايمان شئ
داخلي مش بالضرورة يظهر عملياً في تصرفاته علشان كده ممكن تخليه يقضي ساعات طويلة في
فحص ذاته الداخلية من غير ما يهتم بالتصرفات الخارجية.
2-
خلي صلاته لأجل أمه تركز
على إيه الخطأ اللي في حياتها ولازم تتغير فيه بس أوعى يصلي من أجل مرضها الفعلي. وبكده
هايحصل أمرين
a.
الأول هايكون دايماً بيفكر
ف المواقف المتعبة اللي أمه تسببت فيها
b.
الثاني بما أنه هيفكر في
أمه على انها مصدر للمتاعب يبقى هايكون بيصلي لأجل حد وهمي غير أمه (لأنها فعلياً بتحبه(
3-
غالباً البشر لما بيعيشوا
مع بعض بتكون لكل واحد نبرات صوت وكلمات ونظرات تغضب الآخر. خلي مريضك يفتكر كل الحركات
والكلمات دي – وخليه يفهم ان أمه غاوية تضايقه دايماً لدرجة هو مش قادر يحتملها . ملاحظة
مهمه: أوعاك يفكر انه هو كمان عنده كلمات وحركات بتغضب الناس منه (عايزين صورته في
عين نفسه جميلة ـ كيوت يعني(
4-
شجع مريضك انت وغلبوص على
انه يستخدم الكلمات والحركات اللي بتضايق الناس – وان أمه تقول الكلمات اللي بتضايقه. فيحكم باستمرار عليها بالادانة ويفضل في عنين نفسه
دايماً صح وبرئ .
عمك المحب
ليست هناك تعليقات:
إرسال تعليق