رسائل خربر 1

رسائل خربر

الرسالة الأولى

عزيزي علقم:

أنا عارف انك بتحاول تسيطر على قراءات مريضك، وان تكون علاقته قوية بصديقه المادي ـ عايز اقولك انك ساذج.

لا تجادل مريضك، فالنقاش والمجادلة لا تصلح للأيام دي – يمكن كانت وسيلة مناسبة لما كان البشر مستعدين يغيروا نظام حياتهم لما يوصلوا لاقتناع مبني على التفكير والتفسير  

النهارده في أسلحة تاني ممكن تستخدمها، عندك مثلاً وسائل الإعلام المختلفة والفضائيات  وعندك مواقع التواصل الإجتماعي . ودي وسائل مريضك اتعود عليها، ومن خلالها تقدر تحط حتى أفكار متناقضة جوة دماغه.

مريضك لا يفكر في العقائد إذا كانت صح أو غلط  - فالاسلوب الناجح علشان تبعده عن الله هو انك تشغله بالحاجات التافهة واللي مش محتاجة تفكير

عايز اقولك ان أي موضوع يحتاج لتفكير غالباً الله هايتفوق فيه عليك، لكن الجعجعة والكلام التافه الفاضي ده هو المجال اللي احنا متفوقين فيه من زمان

لأن الحجج والبراهين ممكن تخلي مريضك يشغل مخه  ويحاول يفهم الحقيقة

علشان كده حاول تخليه بس مشغول بأن العالم المادي اللي هو شايفه بس هو ده الحقيقة – وخد بالك اوعى يفكر يعني ايه حقيقة

خليه دايماً مشغول بالحاجات المعتادة والمألوفة – وإذا بدأ يفكر في أبعد من كده (الدين والإيمان)، اقنعه إن دي أفكار مش حقيقية وأن الحقيقة هي الحاجات اللي قدام عنيه، وإن اللي خطر فباله دي حاجات مش منطقية

بص مش عايزك تستخدم أي أفكار علمية لأنها هاتخلي مريضك يفكر، وإذا كنت مضطر فمفيش مانع إنك تسيبه يفكر في علوم  الاقتصاد والاجتماع والفنون وفهمه ان دي هي الحاجات اللي لها قيمة.

عمك المحب

خربر

تعليق:

- جزء من حرب إبليس هو انه يخلينا عبيد للمألوف والمعتاد وان ده مش ممكن تغييره

- دايماً يقولك انك فاهم وان مفيش حاجة لها قيمة تستاهل انك تدور وتبحث عنها

-  إذا حاولت انك تدور وتفهم هايقولك ان الواقع المادي الملموس واللي ممكن تشوفه، هو ده الحقيقة

- تذكر انه كذاب

الرسالة الثانية