رسالة خربر 2

الرسالة الثانية

عزيزي علقم..

- عرفت وزعلت جداً أن مريضك للآسف الشديد آمن بالمسيح، وطبعاً عقابك هايكون شديد

لكن عايزين نتعامل مع الموقف ده بحرص ... لا يجب أن نيأس، كتير من المؤمنين الجدد ممكن استردادهم بسهولة بعد فترة صغيرة.  

أهم ناس ممكن تستغلهم دلوقتي هما الناس اللي في الكنيسة – وطبعاً أقصد بكلمة الكنيسة المبنى الجميل اللي مريضك شايفه واللي بيشوف جواه أشخاص زي البقالين هاتلاقيهم بيدولوا كتب صغيرة مليانه بحاجات قديمة وهو مش هايهتم بيها لأن معظمهما تراتيل قديمة ومكتوبة بخط صغير

خد بالك هو هايكون عينه على الناس جيرانه والناس اللي بيعرفهم بعيد عن الكنيسة – عايزك تخليه يفكر ؛ هو ده جسد المسيح – اللي بيقولوا عليه – لاسيما لو شاف واحد لبسه مش حلو أو بيخبط برجله وقت الترنيم

خد بالك انه مريضك كل فكرته عن المؤمنين هي الصور اللي بيشوفها مرسومة على جدران الكنايس

عايزينه يشعر بالإحباط من أول يوم وهو بيشوف الناس اللي جوة الكنيسة

بص في معلومة كده هاقولهالك حطها قدام عنيك علشان نستغلها كويس:

                الله غالباً بيسمح إن كل مؤمن جديد يمر بمرحلة الهبوط العاطفي بعد فترة صغيرة من قبول الإيمان بغرض ان المريض يبدأ يتحرك عملياً بدون الاعتماد على المشاعر لأنها متغيرة.  

وهي دي فرصتنا الذهبية – لانه اذا عدا الفترة دي بنجاح هايكون من الصعب عليك خداعه وساعتها مش هارحمك.

وزي ما قلتلك الناس اللي في الكنيسة ممكن يكونوا كارت كويس بالنسبة لك: حاول تخليه يعرف عنهم الصفات السيئة المحبطة والمختلفة عن الصورة اللي في خياله عنهم

إياك تخليه يفكر فإن المسيح اللي قبله بعيوبه بيقبلهم بعيوبهم – خد بالك هو لسة مش بيفكر كدة خالص – هو بيفكر انه بيتواضع وبيحضر الكنيسة مع الناس دي اللي مليانة عيوب.

أوعى يغير تفكيره – خلّيه ف الحالة دي على أد ما تقدر.

عمك المحب

خربر

الرسالة الأولى